“元朗區"小六升中交流區

ikenmak

草原 發表於 18-12-23 09:54
上年全港派到首三個志願百分率係89，我囝學校百分率仲低過全港，其中band 2派到首三百分率係最低，競争不 ...

同意元朗B2A選校比較難，即使B2A生選回B2A校，自行都未必入到。相反，屯門區學位充足，屯門家長普遍進取些（人之常情）,屯門B2A生自行都試下B1C校，所以屯門B2A校自行面試多為B2B生。
根據個人斷估，元朗B2A生去屯門B2A校係有一定優勢，競爭相對元朗無咁大。

屯門區B2A校我無乜研究，只知有：
1.劉金龍#（女校）
2.屯天@
3.呂祥光@（好似係）
4.崇真
5.屯官#
6.南屯官#
註：#英中（競爭大）
@半英中

自行面試係唔理元朗定屯門，一視同仁，惟需考慮住所至學校交通。

草原

ikenmak 發表於 18-12-23 10:32
本帖最後由 ikenmak 於 18-12-23 11:33 編輯

同意元朗B2A選校比較難，即使B2A生選回B2A校，自行都未必 ...

題外話：崇真雖然係中中不過校風唔錯,，但有人上年自己區放第一都抽唔到，可想而知都受家長歡迎。

ikenmak

草原 發表於 18-12-23 14:44
題外話：崇真雖然係中中不過校風唔錯,，但有人上年自己區放第一都抽唔到，可想而知都受家長歡迎。 ...

你好厲害啊！有唔少小道消息分享俾大家！讚！
其實B2生家長都有不少想子女升讀比較好B2A中中，好似屯門崇真咁。反而元朗比較少清晰的B2A 中中（不計英文班中中），你有無乜心水推薦？

始終每個小朋友語語發展程度不同，有早有遲，可能全部科都唔錯，惟英文差一點而已，比較適合中中。

29XX86

草原 發表於 18-12-22 14:09
回覆 elderberry 的帖子

有日文讀，DSE容易拎5＊＊，大學某啲學系當分計，但奇怪我囝學校唔太推介呢間，又 ...

因呢間有連繫小學, 位超少, 唔推介係合理, 翁祐係順德聯誼會辦學團體, 即同屯門梁銶琚同一個辦學團體, 所以, 可能同一辦學團體佢地有D方法去谷到成績.

草原

回覆 ikenmak 的帖子

真心講，呢區又要Band2A又要中中，我諗唔到

elderberry

草原 發表於 18-12-23 18:26
回覆 ikenmak 的帖子

真心講，呢區又要Band2A又要中中，我諗唔到

伊中、官立呢D唔係咩？

草原

回覆 elderberry 的帖子

天官係中中？好似有英文班喎，要fact check吓先。伊中係中中，但我唔敢肯定佢係band2A

ikenmak

草原 發表於 18-12-23 19:05
回覆 elderberry 的帖子

天官係中中？好似有英文班喎，要fact check吓先。伊中係中中，但我唔敢肯定佢係ba ...

都係既，B2A基本都係有英文班的中中，我諗如果屯門崇真保持住良好成績，自然升格至半英中。
元朗真正B2A校都係半英中，成績較佳自然入英文班，都幾合符現實。

我都好欣賞屯門譚伯羽架，長期保持B1B ,又係半英中， 適合英語程度不同的B1生，6年教育後也保持B1B成績。希望日後元朗也有一間咁既中學啦！

ikenmak

29XX86 發表於 18-12-23 18:09
因呢間有連繫小學, 位超少, 唔推介係合理, 翁祐係順德聯誼會辦學團體, 即同屯門梁銶琚同一個辦學團體, 所 ...

梁球琚個名氣真係好勁架！不過近年順記俾保記超前，可以因為要保住地位，攪到走火入魔（我覺得）。我們作為家長係想子女成才，但唔係搵命博羅。

看到梁球鋸攪成咁，真係有點可惜！（不過都係超熱門）

草原

回覆 ikenmak 的帖子

百周年校長上年叫元天人進取啲，你懂的，邊間學校唔想盡攬天下尖子？補充：佢都話豬年屯門位不及狗年多。但有實力的話，自行跨區去試比甲乙部靠攪珠機會大。
係，梁球琚絕對係熱門，人之中總有遇強愈強

草原

回覆 ikenmak 的帖子

啲小學生成績水平提昇咗就可以㗎嘞。

29XX86

ikenmak 發表於 18-12-23 19:30
梁球琚個名氣真係好勁架！不過近年順記俾保記超前，可以因為要保住地位，攪到走火入魔（我覺得）。我們作 ...

舊年我囡揀中學時, 交自行表時梁中有不愉快事件, 好似舊年自行得2XX人揀, 4大最小的一間, 今年又黎多單., 真係唔知邊度出現問題, 係咪生命教育做得唔夠?

ikenmak

29XX86 發表於 18-12-23 20:15
舊年我囡揀中學時, 交自行表時梁中有不愉快事件, 好似舊年自行得2XX人揀, 4大最小的一間, 今年又黎多單.:z ...

其實200多人自行選梁銶琚,又真係少, 元朗同級數信義/鄉中/崇德, 閒閒地都400多啦, 真係如傳聞中競爭細好多喎.加上今年搞單咁不愉快事件, 更令部份家長轉投其他懷抱.

入咗B1A校, 真係會得到周遭街坊的祝福, 同時壓力也相應增加. 如果子女程度不能跟追, 只會留級至迫走你（反正外邊排插班排到街尾）, 係唔會俾你完成到中六(身邊太多例子)。

希望唔好再發生這些事件啦，一單都傔多。

草原

回覆 29XX86 的帖子

記得係聖誕假後中學上學期考試嘅第一日，中學生面對嘅學業壓力係好大，同時佢哋都緊張自我形象，唔想輸，我睇番轉頭，覺得呈分試真係小兒科，我見我囝依家要考十幾科仲大鑊，假期要做功課又要準備考試……不過，我同佢講頂得住呢一年，明年會更好。

ikenmak

草原 發表於 18-12-23 20:33
回覆 29XX86 的帖子

記得係聖誕假後中學上學期考試嘅第一日，中學生面對嘅學業壓力係好大，同時佢哋都緊張 ...

我好欣賞你分享教育子女的心得，我大女也剛上中學也有不少相同情況，稍後再分享。

不過，我發現有一樣好有趣現象，我在EK做了2年CD-ROM（只讀不回）,近日才登記並討論。2年內談論元朗升中的版面不多，屯門多些，但我細心發現本版，卻發現點擊次數近90000,係相當誇張。即表示相當多元朗家長關心這議題，但絕大部分都像我以前做CD-ROM.

如果可以的話，元朗家長有問題請註冊EK(好像賣廣告）,嘻嘻。

惟有家長提出問題，我們才可針對性集思廣益，幫助大家。

其中一個我想分享對象係雙非家長，不過又唔知有無這群家長閱讀。

祝大家聖誕節快樂（我舊年就由12月緊張到7月放榜,慘！）

ikenmak

ikenmak 發表於 18-12-23 22:49
本帖最後由 ikenmak 於 18-12-23 22:54 編輯

我好欣賞你分享教育子女的心得，我大女也剛上中學也有不少 ...

本帖最後由 ikenmak 於 18-12-23 23:00 編輯

正確緊張係由呈一，呈二，觀校，自行，面試，呈三，統一填表，放榜，叩門）過程真係好大壓力架，慘過自己去考DSE,最慘小朋友完全唔當一件事，派邊間都順其自然.
元朗學位少過人，做元朗家長真係慘！

bbq.

ikenmak 發表於 18-12-23 22:49
本帖最後由 ikenmak 於 18-12-23 22:54 編輯

我好欣賞你分享教育子女的心得，我大女也剛上中學也有不少 ...

係喎！ 你唔講真係無留意成8萬幾人睇，希望可多D人留言啦！

bbq.

ikenmak 發表於 18-12-23 22:53
本帖最後由 ikenmak 於 18-12-23 23:02 編輯

本帖最後由 ikenmak 於 18-12-23 23:00 編輯

經過呈一，呈二，真係前所未有咁大壓力。 一直以為自己可輕鬆面對，但原來係唔得的。

ikenmak

bbq. 發表於 18-12-24 00:20
係喎！ 你唔講真係無留意成8萬幾人睇，希望可多D人留言啦！

都係樓主你有先見之明，開一個咁受歡迎的谷。讚呀！應該無八萬人見既，每人睇十次，都應有8000人，絕大部份都係圍觀既，可以的話推介身邊的家長閱覽同留言，我們這些過來人才知家長的需要。

我都估計到你子女在非聯繫小學屬B1A份子，其實元朗每個Band都有煩惱，B1A都好難入三大（自行都話講實力，但得50個位，校長想在眾多精英揀50個都好頭痛，何況家長？統一只係睇彩數，個個精英都放乙一，純睇彩數。）

我上年小朋友係邊緣人，所以要睇晒由B1C-B2C校，並要作最壞打算。

揀自行只係開始，路真係好漫長，真係緊張到放榜果日架，派得唔好仲要叩門好慘。

祝願你子女順利入讀心儀校。

草原

bbq. 發表於 18-12-24 00:28
經過呈一，呈二，真係前所未有咁大壓力。  一直以為自己可輕鬆面對，但原來係唔得的。
...

理解，即使我今年“捲土重來”，除咗資訊同升中玩法比上年充分掌握之外，其實一樣好多未知素我掌握不了。叫你放鬆好唔實際，倒不如先訂立清晰目標，分析眼前自行去邊兩間申請面試仲好，記得呢兩間一定係“收咗你唔會後悔，唔見你唔甘心”嗰兩間，至於結果，“塞翁失馬，焉知非福”。